السلام عليكم ورحمتة الله وبركاتة
ياااااااااه فاضل زلطة وأطلع برا قصدى مادة واخلص . أول مرة أكتشف ان الامتحانات مفيدة اة والله بتفجر المواهب المدفونة بقالها سنين
وانا قاعدة بذاكر ليلة إمتحان الفيزياء ومحدش يسأل علاقة الصيدلة بالفيزياء عشان انا والله ما اعرف بس لو حد عارف يقولى .المهم نرجع تانى ليلة إمتحان الفيزياء مرة واحدة من غير مقدمات سبت الكتاب ومعرفش لية مسكت ورقة وقلم ولاقيت نفسى بكتب الكلمتين دول :
وأنا لسة بقول يا هادى فى إعدادى
ألاقى دكتور فيا بيعادى
ويقولى مستقبل صيدلة دا كلام فاضى
ألحقى شابك قبل مايروح على الفاضى
وتلاقى نفسك يوم محروقة فى المعامل
أية وكلام فاضى ماله المجمع بس يا هنداى BOTANY
قلت يا دكتور أنا نفسى أبقى صيدلانية
وألاقى هيبة وانا وافقة فى الصيدلية
سكت وقال يا حسرتى عليكى يا هنداى كل دا كلام فاضى
وانتى اضحك عليكى يا هنداى
سكت وقلت طيب والعمل؟؟؟
قالى ألحقى نفسك وشاركى على توك توك
هو دا المستقبل يا هنداى
هو دا المستقبل ياهنداى
***********
بس يا ترى أشارك على توك توك ولا أفتح محل سمك أضمن
ياريت إللى عندة خبرة فى الموضوع دا يقولى
هناك 34 تعليقًا:
التوك توك ليه مستقبل اضمن يا بنتى
السمك بيضرب اليومين دول وبتطلع عليه اوشاعات مغرضة
ههههههههههههههه
كلامك جميل قوي واديكي عرفتي ان فايدة الفيزيا هو تفجير المواهب الكامنة.. بس على فكرة بينطبق على كل الكليات تقريبا
عموما ربنا معاكي يا قمر في الامتحان اللي فاضل
ههههههههههه
والله فعلا صيدله دي كلام فاضي يا اوختي
ربنا يخرجنا منها على خيييير
وشدي حيييلك يا بنتي الفيزيا غدارة ههههههه
السلام عليكم
ههههههههههههه جميلة اوى
تحياتى
انا بقالى خمس سنين ف كليه صيدله ، و الحمد لله لم استفاد اى شىء ، الحفظ بس هو اللى بينجحنى ، مع انى سقطت سنتين ، اصحابى هيتخرجوا السنه دى و انا لسه نقصلى سنتين ، كرهت المنصوره بسبب الكليه ، لكن الحمد لله انا غير كل اصحابى و غير اى حد فى الكليه ، الكل بيهتم بالكوره و تامر حسنى و مفيش حد فاضى لدماغه ، الكل بيضيع وقت ، الحمد لله من اول سنه و انا مش بضيع وقتى و بدرس برمجه ، مش عارف لو كنت دخلت كليه حاسبات كنت هتشغل بقرف الدكاتره و المناهج الزفت و الحوارات اياها و الحفظ من اجل النجاح ، لكن انا دلوقتى انا عايز أبقى من أفضل مبرمجين العالم فى اللغه اللى انا مهتم بيها -كل يوم بأخذ خطوه- و أهدافى و طموحى كبير جدا، حاولت اتكلم مع اصحابى كتير الدحيح منهم و الخايب أقولهم انتم استفادتم حاجه من الكليه او ليكم هوايات او فى حاجه فى دماغكم ، الاقى العيون بتدمع و السجاير بتطلع و النفخ يشتغل .... سلااااااام
عيب عليكى يا دكتورة وانتى مش عارفة علاقة الفيزياء بالصيدلية امال هتكتشفى الخواص الفيزيائية للدواء ازاى الكيمياء لوحدها مش كفاية عموما ربنا يوفقك يا قمر وتعدى الزلطاية على خير وتخشى على الاجازة اللى هى لذيذه جدا شعور راااااااااااااااااائع يا لولو وانا فى البلد بالمنصورة .اكيد عرفتى انا مين>
صوت بلادي
يا صيدلة بينادي
كل شئ هادي
كل شئ عادي
من الصيدلة
فجر العرب هيطل
لأمة ضربها السل
وبعودة يا تلامذة
الفيزيا بالهمزة
ولا غمزة ولالمزة
بالنجاح ان شاء الله
السلام عليكم
ربنا يوفقك في امتحاناتك يارب
تقبلي مروري
أول زياره لمدونتك الجميله جدا جدا جدا
وان شاء الله مش الأخيره
وعلى فكره أنا ممكن أشاركك فى التوك توك
تحياتى
شدي حيلك يا دكتورة
من اولها كده
و بعدين احلى كلام بيتكتب دايما ليلة الامتحان
على فكرة الصيدلة من أرقى المهن على مستوى العالم
لكن الشرق الاوسط ما زال بيعيش في امية عميقة
عشان كده ما يعرفوش اهمية المهنة
تحياتي
و بأعتذر على البوست اللي كتبته
و حضرتك علقتي عليه
لأنه كان فيه اخطاء نشر اخلت بالمعنى
ههههههههههههههههه
الله يكون في عونك
manooosh
التوك توك أضمن مش كدا
وهو مش كل الكليات بس دا التعليم فى بلدنا كله مالوش لازمة بس هنعمل أية بقا
شكرا لمرورك
بنت الماضى
فعلا مالهاش لازمة .
اما الفيزياء فهى فعلا غدارة بدليل الامتحان .
الحمد الله الاجابات كانت فلة شمعة منورة .الحمدالله على كل شىء.
نورتينى
جوجو
وعليكم السلام
ربنا يكرمك يارب دا من زوقك.
الاجازة أخبارها أية؟
شكرا لمرورك.
مصطفى فرعلى
أتفق معاك تماما.يعنى لو كل واحد درس إللى بيحبة وحاسس انو ممكن يدى فى المجال دا كان حصل أية.
بس للأسف لمجرد انك جبت مجموع يأهلك لدخول كلية من كليات القمة يبقى بدون مناقشة لازم تدخل بغض النظر عن ميولك وللاسف وجهة نظر غلط .بس مفيش بإدينا حاجة غير ان إحنا نثبت نفسنا فى المجال دا ونتميز فية.
لاننا فى مكان فى مسؤلية كبيرة قوى وأرواح ناس .فلازم نبقى قد المسؤلية دى .وربنا معانا جميعا ويوفقنا لما يحبة ويرضاه
لمسات
وهل يخفى القمر طبعا عرفتك .واضح ان القاعدة فى المنصورة عجباكى يارب تكونى مبسوطة وأجازة سعيدة يا ستى .بس يا هند لو ينفع تنزلى عشان فى تطورات خطيرة فى المشروع لازم تبقى موجودة .
نورتينى
شجر الليمون
دايما تعليق حضرتك متميز .
جزاكم الله خيرا على هذة الكلمات
شكرا لمرورك
مصعب صلاح
اللهم أمين
شكرا لمرورك
الشاعر الحزين
أخجلتم تواضعنا بس المدونة لسة فى بداية الطريق
أما بالنسبة للتوك توك فمصر كلها هتشارك على توك توك
شكرا لمرورك
وجة جديد.د_أحمد عثمان
أة والله يا دكتور من أولها مش عارفة بعد أربع سنين هيحصل أية.أنا أتفق معاك ان مهنة الصيدلة من أرقى المهن فى العالم.بس موضوع أمية الشرق الاوسط فأنا لا أتفق معك فية لان الصيدلى فى الشرق الاوسط معملش حاجة تخلى الناس تغير وجهة النظر من ناحية الصيدلى كبائع للدواء .ويارب يقدرنا ونحاول نغير المفهوم دا
شكرا لمرورك
ابو صهيب (الجمعاوى الاصيل )سابقا
الاسم طويل قوى على فكرة .خالى أسهل
نورتنى . اللهم أمين
السلام عليكم
ربنا معاكى فى امتحاناتك ويوفقك يا رب-ولو خلصت يبقى ان شاء الله تكون النتيجة خير ومستنيين العزومة ههه-
ازاى تبقى استاذة دكتورة صيدلانية اد الدنيا وما تعرفيش علاقة الفيزيا بالصيدلة..مالكيش حق :P
نصيحة بلاش التوك توك..مش مترخص والركاب هيقرفوكى
لكن محل السمك يا عينى عليه يا عينى ..تلفى الطرحة على راسك -تتعصبى بيها- وتقفى ع الارض وحاطة رجل ع الكرسى وواقفة تبيعى ..يا سيدى يا سيدى
هو ده الشغل
ابقى احجزى لى معاكى
ولو مفيش مكان فاضى ممكن اعمل شواية جمبك..اهو اى حاجة الواحد يضمن بيها مستقبله
سلام
ههههههههههه
كل ده من سنة أولي
ده انا علي كده عندي صبر جامد أوي
ست سنين (ومش عاوز حد يسأل ليه) وعايش لسه
وبعدين العلاقة بين الصيدلة والفيزياء قوية جداً
دي قائمة علي الإحترام المتبادل
ربنا يوفقكم
ههههههههههههههه
فكرتينى بنفسى والله
أنا مكتشفتش نفسى برضه الا ايام الامتحانات
بس كانت فى الاعدادية .. شهادة بقى وكده وكان لازم الضغط يخرج من اى طريق
هههههههههههه
ربنا يعينك وخليكى فى الصيدلة
مجال رائع
ربنا يوفقك ويكرمك يارب
ميرسى يا جميل عالزيارة الجميلة
خالص ودى ودعواتى بالنجاح
السلام عليكم
ه حلوة
ربنا يوفقك وتكوني احلي صيدلانية
ربنا معاكي
هههههههههه
ربنا يوفقك يارب كلام جميل اوى يادكتورة بيعبر عن حالة التهييس اللى بيبقى فيها الواحد خلال الامتحانات ربنا معاكى
يلا بسرعة تعالى عندى علشان هنبدأ حملتنا ان شاء الله وده ايملى والتانى الاكونت بتاع الفيس بوك للتواصل
ana_ahlawyalatool6@yahoo.com
ana.ahlawyalatool6@gmail.com
مستنيكى
ازيك يادكتورة
لا منسيتش الحملة ولا حاجه بس كان لازم فترة النقاهة بعد الامتحانات انتى فاهمة بقى
انا عملت تعديلات عاللوجو والبوسنر
يلا يادكتورة الشغل الجد ابتدى بس اهم حاجه خلصى امتحاناتك الاول
لينك اللوجو
http://www.2shared.com/file/6320725/f37fab5b/____2.html?
لينك البوستر اللى هنوزعه ونحطف فى أى مكان بعد ما نطبعه
http://www.2shared.com/file/6320757/52305cb0/___online.html?
بنجاواتى
وعليكم السلام ورحمتة الله وبركاتة
أستاذة دكتورة صيدلانية مرة واحدة ربنا يكرمك بس فعلا انا مش شايفة أى علاقة بين صيدلة والفيزياء
أما محل السمك فهو موجود والحمد الله بدل الصيدلية هفتح محل السمك مع أنى مش بحب السمك بس أمرنا لله
ومعنديش مانع فى موضوع الشواية دى حتى تمشى المحل
شكرا لمرورك
د_ياسر عبد الفتاح
على فكرة مفروض قبل دخول اى طالب كلية صيدلة مع الكشف الطبى يبقى فى كشف نفسى على حالة الطالب وقياس مدى قدرة تحملة الخمس سنوات الشاقة دون ان يفقد جزء من عقلة دا إن ماكنش عقلة كلة.ولو كانت عملت الكشف دا كان هبقى غير لائق وريحت دماغى بس نعمل أية ؟
فعلا الله يكون فى عونك يا دكتور ست سنين كتيررررر
اما العلاقة فهى قائمة على الاحترام المتبادل .
محدش يصدق الكلام دا
شكرا لمرورك
حاجات جوايا
فعلا لازم الضعظ دا يخرج فى اى حاجة وكويس انة بيخرج فى حاجة مفيدة.
شكرا لمرورك
نورتينى
ذكرى رحيل قلم
وعليكم السلام ورحمتة الله وبركاتة
ربنا يكرمك
شكرا لمرورك
نورتينى
arsenalwy
فعلا الامتحانات أكثر فترة للتهيس .بس بتكتشف معاها حاجات جديدة. ويارب تكون كانت فترة نقاهة سعيدة ومثمرة.وانا نزلت اللوجو بعد التعديل وهنزلة ان شاء الله على المدونة.وأى جديد انا متابعة ان شاء الله
وربنا يجعلة فى ميزان حسناتنا
شكرا لمرورك
شباب أناامتحنت الشهاده السودانيه ومعدلي 93,1 ومحتاره بين الطب والصيدله help please
ربنا يوفقك ياعسل
وربنا يوفقك ياعسل
إرسال تعليق