الأربعاء، 3 مارس، 2010

بيان هام

السلام عليكم ورحمته الله وبركاته
من يومين كدا وانا داخله الكليه خير اللهم اجعله خير لقيت ناس شيك قوى بتستقبلنى على باب الكليه .زى شباب جيل المستقبل كدا بالضبط .وبيقولوا عليهم أن دول إتحاد الطلبه فى الكلية بتاعتنا المهم كانوا بيوزعوا ورق وجنب حرس الكلية بالضبط والأمن واقف والدنيا ماشيه عادى خالص ولا تفتيش ولا تحقيق ولا أى حاجة من دى خالص . نرجع تانى للورق .أخذت ورقة من دول وطلع بيان من اتحاد طلاب جامعة اسكندرية كلها .أنا هكتب البيان ومش هعلق على اى حاجة من وجهة نظرى خالص هسيبلكوا التعليق صراحة لأنى مش لاقية حاجة أقولها
بيان
اتحاد طلاب جامعة الإسكندريه
زملائى وزميلاتى طلاب جامعة الإسكندرية
لنتفق جميعا -على اختلاف مشاربنا ومذاهبنا ومقاصدنا- على أن :

مصر أولا وقبل كل شىء

هذة هى مصر العروبة
فلتحيا مصر ... أرض الخالدين ... وتعيش مصر وفلسطين لأبد الأبدين

* لم تقدم دولة عربية أو غير عربية ما قدمته مصر للقضية الفلسطينية منذ عام 1948 وحتى الأن

* مصر تقدم مائة ألف شهيد من أبنائها المصريين فداءا للقضيه الفلسطينية

* مصر خاضت بجنودها البواسل أربعة حروب دفاعا عن الأراضى العربية والمقدسات الدينية

* مصر عانت أزمات اقتصادية طاحنة أثرت على مستوى معيشة ابنائها بسبب ما أنفقته من أموال فى الحروب التى خاضتها دفاعا عن الكرامة العربية والمقدسات الدينية والقضية الفلسطينية .

مصر لا تزال تدرك قدرها ووزنها السياسى فى المنطقة .ومسؤليتها تجاه شقيقاتها الصغرى من الدول العربية مما يجعلها تتغاضى عن صغائر الأمور وانفعال الحناجر ، فهذا هو قدر الكبير أن يحمل الصغير مهما انفعل أو أنفلت أو أشتعل

* يعلم العرب جميعا وأهل فلسطين خاصة انه وقت الملمات ليس لهم حضن يؤيهم سوى مصر

*وفى أزمات قطاع غزة الأخيرة ، فتحت مصر -بإرادتها - معابرها لتقدم كعادتها يد العون للأشقاء المنكوبين هناك.

*وخلال الثنوات الثلاث الأخيره لم تساعد مصر أهل غزه فى محنتهم بالتصريحات الجوفاء ولا الحناجر الرنانة ، وإنما ساعدتهم كعادتها بشكل عملى وفعلى يقدره أهل غزة أنفسهم
.

*** ورغم كل تلك المساعدات تحملت مصر وهذا هو قدر الكبير عبارات الغمز واللمز سواء بالتلميح أو بالتصريح من دول وشعوب لم تقدم
للشعب الفسطينى مثقال ذرة مما قدمته مصر .فلم تطلق هذة الدول مجتمعه طلقة رصاص واحده على إسرائيل ولم تضح بإقتصاد وقوت شعبها مثلما ضخت مصر

فلتحيا مصر ...... أرض الخالدين ...... وتعيش مصر وفلسطين لأبد الأبدين

أنتهى البيان
طبعا كان فى البيان بعض من صور إلتحام علم مصر وفلسطين ومعهم صورة مبارك
وطبعا شعر عن مصر وصور عن المعبر وهو مفتوح (الساعات القليلة التى فتح فيها المعبر)

ولا تعليق

هناك 20 تعليقًا:

زهرة(جنى)الاسلام يقول...

السلام عليكم
اية دة
مصر وقفت مع فلسطين امتى
طب سؤال بسيط لو مصر وقفت مع فلسطين طب لية بيبنوا الجدار العازل

قلم رصاص يقول...

السلام عليكم ورحمة الله وبركاته

طبعا كل الكلام اللي ذكر في البيان حقيقي ولايستطيع احد المزايدة عليه.. لأنه بالفعل لم تقدم أي دوله في العالمين العربي والاسلامي للقضية الفلسطينيه ماقدمته مصر

لكن الكلام ليس كله صحيحا على اطلاقه
فكل هذا الدعم وكل هذه التضحيات من جانب مصر لشقيقتها فلسطين لم يتم في العهد الحالي بالقدر الذي تم فيما سبقه من عهود خصوصا الحقبه الناصريه والساداتيه..وبصرف النظر عن بعض الاخفاقات التي تمت خلال حكم السادات فيما يتعلق باتفاقية السلام مع اسرائيل..فهذه هي السياسه .. ولم يكن بوسع السادات سوى القيام بذلك لاستعادة الأراضي المصريه التي كانت ماتزال تحت ايدي اسرائيل حتى بعد حرب اكتوبر وانتهائها بسنوات ..!

__________

اللي لفت نظري في البوست دا ، ان الأمن لم يتعرض بسوء لمن قاموا بتوزيع هذا البيان ، لأنهم باختصار لم ينتقدوا الوضع الحالي في مصر او سياسات الحكومه!

شكرا جزيلا على الموضوع

تقبلي مروري وتحيتي

كريم مصطفي سيد يقول...

السلام عليكم
اولا البيان ده مين قل كاتبة الاتحاد المعين ولا اامن الدولة ؟؟؟ ولو افترضنا ان قل كاتبة الاتحاد المعين طب الاتحاد المعين هو فين كان ايام الحرب .. يبقي مين قل كاتبة ... صح مصر قدمت الكثييير مصر من سنتين سابت رئيس وزراء قلسطين هنيه علي الرصيف قاعد .. مصر قدمت كتييير صح قل اخدت اكتر من مليون جنية من الزهار علي معبر رفع وقالوا حنبعت الفلوس للسلطه... صح مصر قدمت كتييير وقتلت اخو الاستاذ اسامه حمدان في سجن برج العرب .... صح مصر قدمت كتيييير كل يوم نفق يضرب ... صح مصر قدمت كتييير ,, هو مين كان بيحارب في حرب 48 مصر والله قل يقول مصر يبقي غبي وعمره مقرء تاريخ ولا خغرافيا حتي دي الدول العربية كلها من الاردن ومصر ومن كل مكان وحتي لما اجتمعوا خانوا بعضهم من قل جاب الاسلحة الفاسدة... صح مصر قدمت كتيير .. في حرب 56 كانت علشان فلسطين ولا بسبب غباء الرئيس واستفزاز العدو بتامين قناه السويس ..صح مصر قدمت كتييير ... حرب 73 كانت علشان فلسطين ولا علشان نحرر ارضنا ... صح مصر قدمت كتييير ... ياعم ارحمونا والله هو اتحاد الطلبة جهه منين ... كفاية كده

جنّي يقول...

السلام عليكم

هي دي ثقافة وفلسفة الحزب الفاسد فهو يرى ما لا يراه الآخرون .. وهي كلمات حق أرادو بها باطل فمتى حارب صنعة الحزب الفاسد ؟.. وهذا المن منهم باطل لأن مصر حاربت من اجل مصر اولا ..

وكما قال النبي صلى الله عليه وسلم :

عن أبو مسعود قال : قال النبي صلى الله عليه وسلم إن مما أدرك الناس من كلام النبوة الأولى إذا لم تستحي فاصنع ما شئت .. البخاري

تحيتي

مصطفى أبوزيد يقول...



بسم الله

شوفي يا دكتوره علشان نكون منصفين هو الجزء الأول من البيان الخاص بمساعادات مصر للقضيه فلا ننكر هذا خاصة أيام حرب 48 و أيام الزعيم عبد الناصر لكن من بداية الألفية الجديدة و بدأت تراجع سياسي كبير في دعم القضيه

الشيء التاني بقى الأهم هو الغرض من البيان و ده كنت باشوفه كتير ايام الجامعه عندنا و غرضه بسيط هو شيء مضاد للطلاب المعارضين و علشان يعملو به تهدئه للطلاب الجدد و يحسوا ان اتحاد الطلبه ع الخط مع القضيه و كده

فهو تخطيط أمني و احنا عارفين ان مفيش واحد في اتحاد الطلبه بيجي الا بعد موافقة الأمن

أبو مصعب يقول...

سلام عليكم
بس انا مش فاهم
هو مصر اكبر من اختها فلسطين بكام سنة كده وهو مين الشقيقات الضغرى دول
وفيهن واحدة تنفع للجواز ولا لأ اصل انا بدور على عروسة كمان عشر سنين كده على ما خلص كلية وجيش والذى منه

________________________
الصراحة بيان اهبل جدا ولو كنت قريته كنت رميته فى وش عمنا بتاع الاتحاد ده

ولا مؤاخذه على التعليق الساخر فى البداية
ول

مشخبطاتي يقول...

نعم كلام صحيح..بالأمارة الملايين التي أنفقت على منتخب مصر الوطني..

هذه البيانات أشبه بحوار نساء شارعنا (صاليحة ومسعدة وعنايات) .. كلام مصاطب..وأعتقد أن الناس لم تعد تتأثر بهذا الأسلوب..


تحياتي.

معتز شاهين - باحث تربوي يقول...

عايز أيه يعني من اللي باع ضميرة وبقى في الاتحاد

ياعم ده الاتحاد السكندري احسن منهم ميت مرة

ههههههههههه

حسبنا الله ونعم الوكيل

ويبقى التواصل

بنت الأسلام يقول...

زهرة الأسلام (جنى)

وعليكم السلام ورحمتة الله بركاتة

بصى يا زهرة أنا هجوبك
مصر وقف مع فلسطين وبنت الجدار الفاصل عشان دا حق الجار على جاره
ودى الأخوة

ولا تعليق

حسبى الله ونعم الوكيل

بنت الأسلام يقول...

قلم رصاص

وعليكم السلام ورحمتة الله وبركاتة

يا سيدى الفاضل أتفق معك فى نقطة وأختلف فى نقطة
أتفق معك بإن مصر أكبر دولة عربية تصدت للقضية الفلسطنية أتفق معك ولكن كله كلام
فين الفعل مفيش
فين مصر أيام حرب غزة الأخيرة
فين مصر وهى بتبى الجدار الفاصل
خلينا نكون واقعين ومنطقين

أما بالنسبه لموضوع طلبة الأتحاد فدا الطبيعى أن محدش يتعرضلهم
مش تبع الحكومة
حسبى الله ونعم الوكيل
أسعدنى مرورك

بنت الأسلام يقول...

كريم مصطفى السيد

وعليكم السلام

صدقت

بنت الأسلام يقول...

جنى

وعليكم السلام

فعلا
إذا لم تستحى فصنع ما شئت

تحياتى

بنت الأسلام يقول...

مصطفى أبو زيد
ماشى يا باشمهندس

يعملوا تهدئة للطلبة المعارضين

بس المشكلة أن فى طلبة ملهاش فى حاجة بتصدق .يعنى انا دخلت فى منقاشة مع إحدى الطالبات هى متأكدة مليون الميه أن الحكومة مش بتعمل حاجة غلط .وان الجدار الفاصل دا حاجة عشان أمن مصر .أنما مفيش أصلا معارضة فى الجامعة أخدت حريتها عشان
توصل رأيها للطلبة .
أسعدنى مرورك

بنت الأسلام يقول...

أبو مصعب

هو فعلا بيان لايستحق القراءة
بس أنا أحتفظت بيه عشان أشاركم الرأى

أسعدنى مرورك

بنت الأسلام يقول...

مشخبطاتى

هو كلام مصاطب

بس للأسف لايزال هناك من يصدقها

بنت الأسلام يقول...

معتز شاهين - باحث تربوى

لاننتظر منه سوى مثل هذة البيانات

وحسبى الله ونعم الوكيل

تشرفت بمرورك

زهرة(جنى)الاسلام يقول...

السلام عليكم
ندعوكم للدخول الى شات مونتى يوم21/3/2010
تمام الساعة العاشرة مساءا
من اجل نصرة المسجد الاقصى

هديـــل الـروح يقول...

فعلاً المساعدات دى حقيقيه ..لكن احنا عاوزنين نشوف حاجه الوقتى قدام عنينا فى ظل الأزمه اللى عايشها الأقصى

لوي الدماغ يقول...

السلام عليكم
المنحه ياريس
ويا جبل ما يهزك ريح

ضكـــــتور جدا يقول...

السلام عليكم
نرجو مشاركتنا في نشر الفن الهادف
بنشر (شبكة صوتنا للفن الهادف)
http://www.sawtona.blogspot.com/
ووضع البانر الخاص بالشبكة في مدونتكم
http://img23.imageshack.us/img23/6886/91117988.jpg
جزاكم الله خيرا